随住金管局于 2019 年起发出多个虚拟银行牌照后，虚拟银行相关服务大举进驻香港，以往大家听得比较多嘅可能都係来自大陆嘅品牌。而香港本土方面，获发牌照的虚拟银行 WeLab Bank (汇立银行) 今日亦都宣布正式开业。
话明係虚拟银行，所以大家申请相关服务只要透过下载手机 App 就可以完成，WeLab Bank 亦唔会例外。除咗可以用手机 App 申请 Debit Card 用作网上消费外。同时，亦都可以申请邮寄一张 Debit Card 实体卡，而该卡最特别之处係无刻印卡号唔惊畀人盗用，方便大家可以去 ATM 柜员机 (目前支援 JETCO自动柜员机) 拎钱。
WeLab Bank 今日宣布虚拟银行服务正式开业，所以当然唔少得推广优惠。该司宣布，喺优惠期内凭卡作线上线下消费，可以享有 8% 嘅现金回赠 (回赠的交易金额上限为港币3,000元) !而所有交易都会即时显示喺手机 App，收入同支出自然一目了然!
