八达通究竟几时先可以加入 Apple Pay 呢?狼来了，一次、两次，三次之后，今次睇来终于成真。事关八达通刚刚正式发出传媒邀请，表示将于来紧 6 月 2 日 (星期二) 举行一个主题为 「流动支付新定义」嘅记招，如无意外相信当中就会公布正式推出 八达通 for Apple Pay!
关于八达通几时先可以加入 iPhone / Apple Watch 直接o都卡，呢个消息早喺上年 7 月时就已经正式宣布，但可惜其后喺 12 月底时改口话要延迟到 2020 年先可以推出。结果大家一等再等，期间再不停有操作示範啊、屏幕截图啊等等嘅消息流出，讲到似层层结果都係得个吉。
狼来了咗咁多次，今次即将举行嘅记招应该会正式公布啦挂!?睇来应该都无十足都有九成九啦，大家再畀多次机会信一信好了。
至于 八达通点样加入 iPhone / Apple Watch 嘅 Apple Pay 银包呢?虽然官方仲未正式公布，但由于现时已经推出咗嘅 iOS 13.5 已经隐藏咗大量相关资料，以至到几乎全部操作嘅截图都俾连登网友发掘咗出来，可以去呢度原文追下 Post。
