八达通支援 Apple 的 Apple Pay 直接用 iPhone 或 Apple Watch 嘟卡就讲左好耐，由旧年开始已经讲紧。结果，今年 7 月时终于等到好消息，八达通公司宣布话会喺今年稍后开通。之但係，今日该公司又发出咗更新，表示要 Delay 了!
喺 7 月公布时话「今年稍后时间」，原本大家都以为等到 iPhone 11 系列推出之后就会有，因为 iOS 13 已经加入咗相关字串，代表功能随时可以开通，结果都係无。
唔紧要，咁再等到年底有啦挂?而家 12 月已经过咗一半，但係就声都无。而今日，官网公告卒之有更新，但就又一次令大家失望，今次公布将推出时再一次延迟，而且又係无确实日子，只係讲「预计稍后于 2020 年推出」，喂，咁要稍后到几时呢?真係唔知，只能够讲句 Delay No More …please!
