而家个个都推电子银包服务，汇丰自己虽然已经推出左 PayMe，而自己嘅银行 及信用卡 App 亦都不停新增新功能。今日汇丰宣布更新旗下嘅 Reward+ 手机 App，主要加入分享「奖赏钱」功能，等大家可以同朋友之间开心 Share!
汇丰表示，Reward+ 手机 App 自从去年 1 月推出以来，已经录得超过 45 万次下载，交易次数已超过 100 万次。其中最受大家欢迎嘅奖赏钱服务，今次更新加入「分享」功能，即係你可以将奖赏钱当礼物分享畀朋友，甚至当係现金找饭钱等。
为咗推广今次个新功能，汇丰宣布由即日起至 5 月 31 日，汇丰用户只需成功与其他持卡人分享任何数目嘅「奖赏钱」三次或以上，就可以即赚 30 港元「奖赏钱」。而且无须登记，进入 App 内嘅 RC 页面就可以体验。即係话，你过三次 $1 畀三个朋友就得，据闻互 Share 都得，大家可以试下。不过要留意嘅係，由朋友分享畀你嘅「奖赏钱」只可以自己当现金积分来用，而唔可以再将收到嘅「奖赏钱」再次分享畀其他朋友。
