而家正值旅游旺季，大家出门之前相信都会买定张外游数据卡或者租 Wifi 蛋。好多人买卡都会落深水埗鸭记或者去到机场先买。而 3 香港今日就宣布推出 3Live Box 流动零售平台俾大家多个选择，除咗有外游数据卡外仲有其他「应急」物品，等你万一行李执漏都可以买返需要嘅野。
3Live Box 係一部结合物联网、大数据及人工智能嘅自动售卖机，分别有标準版、迷你版及轻便版三个款式。3 香港表示由去年开始已经喺全港唔同地区设置 3Live Box，预期今年第一季会达至 100 个。
3Live Box 自动售卖机所出售嘅物品多元化，除咗有外游数据卡之外仲有游戏点数卡、数据线、Mouse 之类，甚至仲有演唱会门票、主题乐园门票、酒店及餐饮礼劵等，不过讲到吸引就一定係外游数据卡。
今次由 3Live Box 自动售卖机出售嘅外游数据卡，其中 30 日中港澳、5 日台湾、10 日星马、8 日韩国等都减到只需 HK$38。
▲ 3Live Box 自动售卖机支援八达通或者支付宝，购买过程都尚算方便。
