之前雷教授一句引述朋友说话：「叫鸡都可以拿部手机出来照」引起热议。教授之所以咁讲我地都相信佢係想表达喺大陆电子支付嘅普及性。虽然 WeChat Pay(微信支付)喺香港都推出咗一段时间，之但係同大陆始终属两地帐号不能互通。
曾经喺九月时，微信支付宣布推出「一 PAY 两地」，允许香港 WeChat Pay 用户到大陆直接消费用，惟当时只支援小部份线上或 Call 车服务，包括：美团、点评、滴滴出行及 12306 等线上商户，对于一类实体店仍未能用得到。
相关文章：WeChat Pay HK 可以在大湾区及中国城市的新世界旗下商场使用
今日，微信支援终宣布「一 PAY 两地」作出服务升级，以后除咗线上服务外，线下实体店都会通行。首批线下支援 香港 WeChat Pay 直接支付嘅实体商店已经有八十几万间，含括「旅、食、住、行」，当中包括一些大家比较熟悉嘅店舖，例如：喜茶、海底捞、太二、探鱼、奈雪の茶、乐凯撒等，亦有一些大型联锁店，如：沃尔玛、永辉生活、屈臣氏等。另外，亦都可以用来买车票或者入场门劵，方便去旅行时用。
以后香港 WeChat Pay 用户只要先绑定 Visa 或 Mastercard 信用卡或银行帐户，并通过身份认证之后，就可以直接用香港帐户作出支付，使用时系统会因应当时港币/人民币汇率而作出过数。目前所知，交易过程暂时唔收手续费，至于日后就要大家留意公告啦。
