香港搭车大家十几廿年来都习惯用八达通来嘟卡，但随住越来越多支付工具喺香港插旗之后，付费方式选择就更加多。不过，讲方便程度始终最快係八达通，所以一向以扫码方式俾人嫌慢嘅支付宝，今日都宣布推出一部实体 Easy Go 「读Code」 机，率先同两间小巴营办商合作，等大家以后搭车可以同嘟八达通咁快。
Easy Go 中文叫 「易乘码」，由支付宝公司推出，係一部连接阿里云伺服器嘅读取二维码机，方便大家搭车直接用手机付款。同以往支付宝手机程式慢慢扫码方式唔同，呢部机除左咗 online 模式外仲同八达通一样以 offline 操作，分别在于用手机展示二维码俾钱，唔係一张实体卡，但就同样做到 0.3 至 0.4 秒内嘟一嘟就得。
「易乘码」读 code 机以数据 SIM 卡连接阿里云服务，可以为司机提供乘客搭车数据分析，而乘客亦都可能喺 App 内查返搭车记录。乘客除咗可以直接由支付款钱包俾车钱外，仲可以绑上信用卡，而万一钱包余额唔够都可以搭，因为支付宝会帮乘客预付一笔车资，不过如果手机无电就…..GG啰。
