iPhone 12 及 iPhone 12 Pro 两款型号将率先于 今晚 8 点正式开启预购，并于下週五正式发售。而今日香港各电讯商已先后出 Plan，继 CSL Mobile 后，SmarTone 紧随其后推出 iPhone 12 嘅 5G 上台 Plan，大家又可以比较下啦。
今次 SmarTone 推出嘅 iPhone 12 系列上台计划有多项重点，首先相信有留意开嘅读者们都会知，SmarTone 初期推出 5G Plan 时只有一个月费计划，就係 $398 包 100GB 5G 本地数据。而今次随住 iPhone 12 推出，再加入一个较低用量嘅新 Plan，就係 $328 包 50GB 5G 本地数据。
其次，恒生信用卡客户现上台出机更可专享全港独家额外高达 $300 月费回赠 (共价值$1,300) 及高达 $1,000 机价折扣购买 iPhone 并享免息、免手续费分期，每月低至 $227。
SmarTone 现时嘅 5G 网络已经覆盖遍布全港大部份地方，涵盖主要商场、港铁车站及行车隧道等。之前我地亦都测试过，可见採用 Ericsson DSS 技术对于覆讯号覆盖真係产生好大嘅作用。
