随住 iPhone 12 系列的发布，大家就知 5G 终于要普及啦。今日 3HK 就率先举行记招，宣布旗下 5G 服务于香港覆盖率已达 99%，同时宣布推出一个较低用量而且月费相对较平嘅 5G Plan。
3HK 今日记招提到，该公司嘅 5G 服务覆盖率已经全面提升，其中近 600 个室内、外人气鼎盛的人流热点，包括主要高速公路、大型商场及商厦等都已经有 5G 讯号覆盖。
咁到底 3HK 係用边啲频段去提供 5G 服务呢?由于该公司目前仍未有投得 26Ghz 及 28Ghz 高频频谱，所以只能得过 3.5Ghz (N71) 及 2100 Mhz (N1) 去提供 5G 服务。由下图可以见到，全港各地所採用嘅频段：
相信大家都见到，上图面显係蓝点 (即2.1Ghz频段) 佔最多。呢个亦都係 3HK 话可以做到 5G 达 99% 覆盖嘅原因。3HK 解释提到，佢地并不是採用 DSS (SmarTone 主要用到嘅技术) 去达致高覆盖率，而係将部分人流量较多嘅地区，成条 2100Mhz 频段 (15Mhz) 转做 5G 专属频频谱，无须将 4G 及 5G 共享一条 Band，所以其 5G 覆盖就可以高速提升覆盖率。
同时，今日 3HK 亦都宣布为原有嘅 5G Plan 加入一个 30GB 月费 HK$288 较低用量计划，畀到大家多个选择都唔错啦。
另外，配合 iPhone 12 推出，只要喺 11 月 30 日或之前上台同时升级加购月费 $58 的「4.5G 任用数据王」，当 5G 数据用晒之后即享无限速的 4.5G 其后数据任用，更可获 $2,000 手机现金券，以及首 500 名申请可额外获得 9,999 易赏钱积分。
至于 99% 嘅覆盖率速度如何，我地日后再同大家测试一下。至于地铁沿线呢?高层被记者问到时并无正面提及到，呢方面都係等我地再去试下啦。
