如何购买 ?
首先当然是上去「自由鸟」网站购买啦 , 选好你购买嘅地区(如:台湾) , 留意 , 第一次购买係需要最低消费 HK$50 , 50蚊包咗5日漫游台/日/新/澳 , 香港邮政平邮寄畀你 , 而且唔係你买咗5日就要一次过全用5日 , 你用几多计几多 , 用唔哂可以下次用(365日内) , 其实都OK . Sky 发现 台湾、日本、新加坡或者澳门 都係 $10/日 , 比如你可以先用 3日台湾 , 留返2日下次去日本用都得 . 所以大家唔使怕首次购买50蚊用唔哂会「蚀章」 .
官方就表示平邮要 5个工作天 , 不过 Sky 3日就收到寄来的遨游SIM . 购买方法好简单 , 唔使自己去买, 送到府上 .
拆包有D咩??
拆开信封就有一包自由鸟 .
入面就包咗一个 SIM卡套、卡针、自由鸟张 SIM (包哂 micro SIM 同 nano SIM) , 仲有一张使用说明 .
大家要留意 , 卡后面有一个 QR Code 同 ICCID 号码 , 呢个好紧要 , 大家唔好随手就掉咗佢 , 因为日后你要再增值或者查仲有几多日未用就係靠佢 . 如果你唔想 Keep , 你可以好似我咁影张相留底 .
点用 ?
点用?? 当然係换张自由鸟遨游SIM 入手机啦 . 不过就发生小问题 , 跟 SIM 果支卡针似乎太粗 , Sky 两部手机都插唔入 , 最后只好暴力插入 , 个针窿就咁大咗…. GG了…
留意 , 自由鸟遨游SIM 本身係用香港本地网络商 , 唔需要好似出面鸭记买果啲 SIM 要自己 Set APN , 所以去到当地插入手机 , 开埋个漫游数据就可以即用 .
测试速度
去到台湾桃园机场 Sky 已经测试 , SIM 网络用嘅係中华电信 , 最高可以上到 4G+ , 全程亦保持係 4G 或以上 .
Sky 係桃园机场即时做网速测试 , 最高可达89Mbps 下载 , 22.8Mps 上载 .
换个场地 , 当去到台北车站 , 网速即时打回原形 . 37Mbps 上载 , 15Mbps 下载 . 虽然跌咗好多 , 不过都够哂用 .
恶梦开始 ……
做咗几次网速测试 + 自用 , 到咗夜晚已经超过每日 300MB 流量限制 , 即时跌入不高于128Kbps 的上网速度限制 . 係呢个时候 , Sky 慢到连自己个网都上唔到 , Facebook 读取超慢 , 只可以保持到 WhatsApp 同 LINE 等通讯软件收发讯息 .
讚
网上购买 , 唔需要出去 , 寄上门 . 啱哂我地啲有返工冇收工嘅打工仔 .
唔需要设定 , 即插即用 . 适合年长父亲出门 , 仔女帮佢装好SIM , 去到当地就即可以用 .
可以随时增值 , 用几多扣几多 , 唔使野野硬食 5日或者7日 SIM .
弹
每日 300MB 数据流量实在太少 , 睇几条片可能就用哂 . 如果你只係想 Upload 几张上 Facebook 或 IG 呃下 like 同保持到联络就啱用 .
唔包电话功能 , 所以係外地係打唔到电话 , 要打电话都係要用返自己张 SIM 漫游打 .
