[玩具评测] RE:EDIT IRON MAN #11 MODULAR IRON MAN 测试用样办

开箱简评： 上次黑金 Iron Man 係开箱人我第一只入手嘅千值练商品， 无论在造型、涂装、关节既设计上都畀左好大信心我， 而今次嘅重装备 Modular Armor 更有飞跃性嘅进步， 所以开箱人我真係忍唔住要疯狂吹奏。

装甲造型方面颠覆大众对 Iron Man 嘅印象， 造型师以 War Machine 为基础为依只 Iron Man 加入大量武器， 包括双肩嘅等离子大砲及双臂嘅超振动刀刃， 重装备风格同 Iron Man 全无违和感， 依种大胆尝试非常令人讨好。

另外装甲上採用大量刻线及菱角设计、 金属红色及金色涂装令模组更具金属质感、 再加上双眼及胸部嘅反应炉能亮灯透光， 令重装备 Iron Man 更具科技感及攻击性， 种种因素令整体观赏性大大提升! 唔好以为重装备 Iron Man 周身武器会阻碍可动， 今次採用嘅素体经过精心设计， 好多关节细位都可以巧妙地扭动， 就算揹住两碌大炮都可以扭到超多中二打斗动作， 非常着重可动性嘅我都扭到哗哗声， 咁你地明点解我话要疯狂吹奏啦。

你问我只重装备 Iron Man 有冇扣分位? 其实我几锺意上次黑金 Iron Man 所採用嘅小腿活动关节， 可向内屈入嘅设计除左令双脚接地性更高之外， 应付起中二嘅耍帅动作就更得心应手。 可惜今次设计师主力卖重装备武器造型， 所以未有加设小腿活动关节， 有些动作扭起上嚟就要自己就下位啦～ 另外如果大家同开箱人一样玩开 1:12 市场嘅玩具， 见到 RE:EDIT 依条 Iron Man 产品线既价钱或许会觉得略贵， 不过一份钱一份货， 重装备 Iron Man 所呈现既高质素真係物超所值!