香港 5G 网络已经全面启动，而随住各大电讯商推出相关上台计划后，大家已经可以即时享用到。对于 5G 大家最关心嘅除咗月费外，收唔收到亦都係一个好重要问题，所以我地过去多日来都马不停蹄地测试了各间电讯商嘅 5G 讯号，今次就同大家讲讲 CMHK 嘅 5G。
根据香港通讯办上年 11 月时最后公布 5G 频谱拍卖结果，综合之前所拍卖的 26/28GHz、3.5GHz 以及 4.9GHz，目前以 CMHK 及 CSL 所获得的 5G 频谱数量最多，两者均为 520MHz。
频谱数量多，代表可用到更多唔同嘅频段去灵活建设 5G 发射站。因为高频速度最快，但传送範围较短，所以比较适合室内应用，而像 3.5GHz 中低频则被喻为最黄金频段，因为传送範围广加上速度亦不会比高频慢太多。另一个问题，就係新界部份地区如沙田至大埔一带因与卫星讯号 3.5GHz 频段相撞，所以形成咗俗称嘅「结界」，而要解决呢个问题，4.9GHz 嘅配合应用就可以解决到。
今次所测试嘅 CMHK，根据官方所述资料，首阶段推出的 5G 网络範围遍全港，主要地区中西区、湾仔及铜锣湾达全港面积覆盖达 90% 以上，观塘区覆盖接近 90%，荃湾区覆盖亦接近 80%。 另外，除 CMHK 旗下的 38 间门市(大埔门市除外)，5G 覆盖同时包括主流基础设施及地标商场：香港国际机场、香港会议展览中心、海港城、奥海城、科学园、中环置地广场及屯门市广场等。
由于覆盖範围广，所以我地今次亦都选择咗几个点做测试。首先港岛区会由北角一带开始，然后坐叮叮直落到铜锣湾，最后返回我地经常出入的观塘区。今次测试所用嘅手机係华为最新推出的 P40 Pro (现时 CMHK 都做紧上台优惠，有兴趣可按呢度睇睇)，而测速程式就係大家惯用的 SpeedTest App。
港岛区
北角所测试速度不错，繁忙马路下载速度去到 519Mbps，Ping Time 只有 7ms
由北角坐叮叮落铜锣湾沿途一带都有 5G 讯号覆盖，坐在叮叮上开车途中亦都进行了速度测试，其中一次更录得下载速度 614Mbps，上载 120Mbps，Ping Time 更只有 6ms。
落到铜锣湾最旺嘅 SOGO 一带，录得速度下载为 578Mbps、上载 124Mbps、Ping Time 8ms
再入少少嘅希慎对出，录得速度下载为 414Mbps、上载 57.1Mbps、Ping Time 8ms
再到时代广场外，下载速度上升至 557Mbps、上载 69.2Mbps、Ping Time 9ms
观塘区
观塘区暂时来讲，更只有 CMHK 有覆盖，所以我地亦都来试一试。裕民坊测试录得下载速度 475Mbps、上载 113Mbps、Ping Time 10ms
开源道商业区，下载速度 461Mbps、上载 119Mbps、Ping Time 9ms
再外围少少上到「山顶」月华街住宅区，下载速度 407Mbps、上载 88.5Mbps、Ping Time 9ms
同一位置对比一下某台 4.5G 速度，仅有 33.9Mbps，可见 5G 速度喺住宅区都快了 10 倍
依我地测试所见，CMHK 嘅 5G 网络喺观塘区都真係唔错，坐入去茶餐厅食碗牛腩河下载速度都有 405Mbps，对比起 4.5G 全速来讲都真係快好多
总结：
香港话大唔大话细唔细，我地当然无办法跑均九龙新界港岛十八区咁去测试。而根据今次所测试结果所见，虽然下载速度未能够去到 5G 峰值超过 1Gbps 嘅下载速度，但实际应用上已经见到速度明显比起 4G 爽快得多，平均速度 10 倍或以上并不夸张。而重要嘅係，5G 嘅网络时延 (即以上测试中嘅 Ping Time) 一般都係 6 至 10ms 之间，对比起 4G 嘅 20 多秒或以上有绝对优势。以 5G 首阶段启用来讲，现时 CMHK 5G 地面覆盖表现都尚算稳定，没有 5G 讯号的地方会自动切换至 4G 网络保持连线，令大家无须担心会收唔到 WhatsApp。下一阶段相信将会打通各地铁沿线範围，届时我地再为大家进行更多测试。
