5G 网络已经讲咗一段长时间，咁究竟几时先用得?其实政府今年年头就公布咗 26 及 28Ghz 频谱申请结果，只係由于属高频段用处较低，所以电讯商们都显得兴趣不太大，只有 csl、SmarTone 及 CMHK 有申请而且未有详细舖设计划，3HK 更係直接放弃。而被喻为 5G 网络嘅黄金频段 3.5Ghz ，今日通讯办亦都正式公布投标结果。
3.5Ghz 之所以被称为黄金频谱，係因为中低频率传输範围广，而且较易「入屋」，所以对一般手机或其他行动装置上网来讲好重要。今次政府释出嘅 3.5Ghz 5G 网络频谱合共有 200Mhz，以拍卖方式指配畀投标嘅电讯商。
今日公布结果所见，毫无意外地香港四间大电讯商 csl、SmarTone、CMHK、3HK 都成功获得指配。不过，今次形式并唔係平均分配，而家边个投得多钱就分配多啲。而最终获配结果係：
CMHK：60Mhz 以 3 亿港元投得
HKT (csl./1010)：50Mhz 以 2.52 亿港元投得
SmarTone：50Mhz 以 2.52 亿港元投得
3HK：40Mhz 以 2 亿 200 万港元投得
频段数目越多代表能够提供嘅 5G 频宽越高，所以中国移动香港 CMHK 今次最大手笔，成功获得 60Mhz 比其余三家港资公司都要多，有望成为最高速 5G 网络供应商。不过，频段多寡故之然最重要，但亦都要睇到时基站布置情况。
是次批出嘅 3.5Ghz 频段将由 2020 年 4 月 1 日正式启用，有效期为 15 年。所以，大家最快出年年中就有正式嘅 5G 网络可以用。至于月费各样会係点?到时再睇啦!
