继 csl.、1010、SmarTone 之后，3HK 今日都公布推出 iPhone Xs 及 iPhone Xs Max 上台计划。今年几间电讯商无论月费定价同埋玩法都大致相同，大家都係主力 Sell 本地数据以及中国大陆、澳门 等漫游数据。要突围而出，可能就係要靠其他附带服务来吸引大家。所以，上台之前大家真係要睇清楚。
3HK 今次推出嘅 iPhone Xs 系列上台计算，同样分有四个 Plan 组合俾大家拣，月费分别为：$298、$408、$538、$728。本地数据量方面，同 csl. 或 SmarTone 等一样分别包 5GB、8GB、12GB、20GB。另外，$538 及 $728 月费，可以每月加 $50 升级至无限数据。而比较特别嘅係，其中高用量计划加入长达 32 个月的中港澳任用 WhatsApp 及 WeChat 数据，而全部计划均附有高达每月 3GB 的中港澳共享数据。详细如下表：
除咗基本月费外，3HK 今次联同汇丰推出「双 iPhone」上台计划。月费为 $1,388，包 1 张主 SIM 及 2 张副 SIM、本地数据 20GB，再加 20GB 中港澳共享数据，同样有 3 地任用 WhatsApp 及 WeChat 数据。如果咁啱係汇丰用户，而同时又需要出两部 iPhone Xs 或 iPhone Xs Max 嘅话，不妨考虑下。
